2015-11-25Emakumeenganako indarkeriaren aurkako nazioarteko eguna2

Asteazkenean, azaroak 25, Asti Lekuko Hezkuntza Komunitate osoak bat egin zuen Emakumeenganako indarkeriaren aurkako nazioarteko egunarekin.
Indarkeria sexistaren kontrako erantzun sendoak eta konpromisoak ikastola osoan izan zuten isla. Etapa guztietako ikasleak murgildu ziren bete-betean aldarrikapen honetan era anitzeko ekimenak burutuz. 

               

2015-11Ortua

Aurten ere ortuarekin hasia gara.
EA21eko batxiler 2.mailako ikasleek ortua prestatu ostean, LH5.mailako ikasleei erakutsi zieten zelan landatzen eta ereiten den. Azaroa zenez aza landatu zen. Abenduan idarrak eta babak erein egin ziren ere.

2015-11-27,28Elikagaien Bankukoekin lanean

Azaroeren 27an eta 28an, Elikagaien bankuak elikagai-bilketa “erraldoia” egin du supermerkatu handietan. Hori dela eta, Batxilerreko ikasle boluntario, Barakaldo eta Portugaleteko supermerkatu batzuetan egon dira laguntzen. Oso ondo!

2015-11-29Arburu mendia

Igande honetan Arburu (550m) mendira joan gara.  Autobusak 9:30 inguru Gorozikan (Muxika) utzi gintuen. Martxa egun eguzkitxu batekin hasi ginen eta eguraldi onak lagundu zigun bide guztian. Altuera hartu ahala, mendiak dauzkan bistak disfrutatu genituen. Hegoalderantz Udalaitz, Anboto, Mugarra eta Gorbea, mendiak ikusi genituen, azken honek bere tontorrean elurra eta guzti zeukan.
Indarrak berreskuratu ostean, jeitziera beste bide batetik egin genuen, pinudi batetik. Autobusetara heldu eta 14:00ak inguru Portugaletera heldu ginen goiz mendizale polit bat disfrutatu ostean.

2015-11-25Emakumeenganako indarkeriaren aurkako nazioarteko eguna

Asteazkenean, azaroak 25, Asti Lekuko Hezkuntza Komunitate osoak bat egin zuen Emakumeenganako indarkeriaren aurkako nazioarteko egunarekin.
Indarkeria sexistaren kontrako erantzun sendoak eta konpromisoak ikastola osoan izan zuten isla. Etapa guztietako ikasleak murgildu ziren bete-betean aldarrikapen honetan era anitzeko ekimenak burutuz. 

2015-11 Perretxiko erakusketa

Urtero bezala Roberto Fernández irakasleak perretxiko erakusketa zoragarria antolatu du ikastolan. 

Roberto mikologian aditua da eta udazkenero ahalegintzen da perretxikoen mundu interesgarri hau ikasleei hurbiltzen. Aurten oso bilduma ederra ekarri digu Lehen Hezkuntzako atondoraino.

Argazkietan ikus dezakezuenez, denboraldi honetako perretxikoak tamaina handikoak izan dira.       

Eskerrik asko Roberto!

2015-11-23.HH4. Itsasminez

HH4. mailako ikasleek "Itsasminez" txotxongilo ikuskizunaz disfrutatu dute.

 

2015-11. Mugimendu sentsoreak

Asti-Lekuko eraikuntza guztietan mugimendu sentsoreak ipini dira. Horrela inor ez badago argia itzalita egongo da eta norbait agertzekotan automatikoki argia piztuko da.
Argiaren kontsumoa zeharo gutxikoa da.

 

2015-11Bost urteko ikasleek udazkeneko erakusketa bat antolatu dute

Haur Hezkuntzako bost urtekoek, udazkeneko unitate didaktikoa lantzen ari direnez, “Zatoz udazkeneko erakusketara” izeneko esposizio txiki bat egin dute gela baten barruan. Honen bitartez umeek udazkeneko fruituak zeintzuk diren eta zein zuhaitzetatik datozen ikasteko aukera izaten dute.

2015-10.Haur Hezkuntzako lau urteko ikasleak hostoak batzera irten dira.

Lau urteko ikasleak La Florida parkera irten dira gaur goizean hostoak batzera. Irteera Euskara kanpainaren saria izan da, eta jaso dituzten hostoekin zuhaitz bat egingo dute gelan.

2015-10.Lehen Hezkuntzako ikasleek denbora makina asmatu dute!

Lehen Hezkuntzako 1. mailako ikasleek “Denbora Makina” ederrak egin dituzte Txanelaren proiektutik abiatuta. Makina liluragarri hauek fabrikatzeko birziklatutako materialak erabili dituzte. Emaitzak LHko 1. pisuan konprobatu ahal dituzue. Hurbildu zaitezte makinetara eta irudimena askatu. Batek daki! Eta funtzionatuko balute?

2015-2016 EGITARAUA

2015-11-01Ermua

Pasa den igandean, azaroak 1, Asti Leku Mendi Taldekoek oso egun ederra pasatu zuten Ermua mendian (Gorliz). Irteera hau Diputazioko Eskola Kirolak denboraldi honetarako antolatutako mendi ibilaldietako bat da. 

2015-11-LH6. Arrantza eskola

Lehen Hezkuntzako 6. mailako ikasleak Ugaora joan dira arrantza eskolan parte hartzera. 
Egun ezberdinetan txandakatuta, heriotza gabeko arrantzaren nondik norakoak ikasi dituzte gure neska-mutilek, eta haietako batzuek arrainen bat harrapatu ere!

2015-10 DHB4.mailakoak Gorlizen

DBH 4. mailko ikasleak Gorlizera joan ziren, bertoko erreka baten biodibertsitatea ikertzera. Uretako animaliak aztertu ostean, baten bat laborategira ekarri zuten hobeto ikertzeko.

Elikadura jasangarria

Bi tomateen arteko elkarrizketa.

Elkartasun zozketa

Guraso guneko partaideek, Friederich Ataxiaren ikerkuntza bultzatzeko urriaren 16an egingo den sosketarako, patchwork manta bat egin dute.

2015-10.Ortua

Maiatzean LH3.mailakoek, DBH2.mailakoen laguntzarekin kalabazinak landatu zituzten.
Hemen daukazue irailean zeukaten itzura:

Nortzuk gara

Guraso Gunea ikastolako guraso talde bat da, familien aisialdiko ekintzak antolatzen dituena. Gure asmoa familien elkarbizitza, euskara eta euskal kultura

bultzatzea da. 
Taldean parte hartu nahi baduzu ongi etorria izango zara, ondo pasatuko duzu. 

Argibide gehiago:  http://www.facebook.com/gurasogunea ;

Ikastolako Gidan; gurasogunea@gmail.com; TalleresAstileku@gmail.com.

2015-06-11. LH4.mailakoak. Busturia.

LH 4. mailko ikasleak Busturian egon dira, biodibertsitate zentruan. Bertan padurak ere ikusi zituzten.

2015-06-08,09.Uraren Garrantzia.

DBH4. mailako ikasleek HH4. mailako ikasleei uraren garrantzia azaldu zieten argazkien bitartez. Ostean, etxean ur gutxiago erabiltzeko egin ditzaketen gauzak, fitxa batzuen bidez landu zituzten. Bukatzeko fitxa etxera eraman zuten gurasoei erakusteko.

2015-06-10.Udal foroa

Eskola agenda 21eko ikasleak Portugaleteko udaletxean egin den "Udal Foroan" egon dira.

Bertan DBHko ikasleek, Asti-Lekun Eskola Agenda 21en barruan egiten diren ekintzak azaldu dituzte.

Udaletxean Alkatea, ingurugiro zinegotzia eta teknikariaren aurrean, ikastetxeen konpromisoak eta proposamenak plazaratu dituzte.

2015-06-03.Ortua

DBH2. mailako ikasleak ortuari hasiera eman diote. Irakasle baten azalpenak jaso ostean, ortua barazkiak landatzeko prest utzi zuten. Ostean LH3. mailako ikasle talde batek letxugak eta kalabazinak landatu zituen.
Ea eguraldiak laguntzen gaituen!

2015-06-05.HH4. Erreka Mari

HH4. mailako ikasleek "Erreka Mari" txontxongilo ikuskizunaz disfrutatu dute.

2015-06.LH4Ura, bizitzaren iturri

Lehen Hezkuntzako 4. D taldeko ikasleek argazkian ikus dezakezuen maketa ederra burutu dute.

Maketa, azken ebaluazio honetarako, Txanela proiektuak proposatzen duen ”Ura, bizitzaren iturri” gaiarekin lotuta dago.

2015-06-05.DBH.Argazki Lehiaketa

Kurtsoan zehar DBHn Eskola Agenda 21 barruan argazki lehiaketa bat egin da. Gaia "Gure Kostaldea" izanik.
Ostiral honetan sari banaeketa egin da. Saria Hegaluze itsasontzian Bermeotik Ogoñora  2 pertsonentzako bidaia izan da.
Irabazleak:
Jone García, Irantzu Rodríguez eta  Miren López izan dira. ZORIONAK!!
Parte hartzaileek, Madariaga Dorretxera bina sarrera lortu dituzte.
Argazki irabazleak:

2015-06-01.DBH1.Lastron.

DBH 1. mailako ikasleek Lastrón hondartzara egindako irteeran ateratako argazkiak. Izaki bizidunak, animaliak eta landareak, ikusteaz gain gizakiaren eragina ere agerian zegoen.

2015-05.DBH4.Ur araztegian

DBH4. mailako ikasleak, Galindoko ur araztegira joan dira.

Batxilerreko ikasleek egindako flash animazioak

LANAK

2015-05-20. Eskolen arteko foroa.

Maiatzaren 20an Portugaleteko eskolen arteko foroa egin zen. Santa Clara Kulturtegian, Portugaleteko eskola gehienek parte hartu zuten ekintza honetan. Asti-Lekutik eskola agenda 21eko 4 ikasle joan ziren, ikastolako iksaleek hartutako konpromisoak eta proposamenak eramatera. Ideia hauek bateratu ostean Udal forora eramango dituzte.

Ama Lurra bideoak

2015-05-11,15.LH6.Heriotza gabeko arrantza.

Lehen Hezkuntzako  6. mailako ikasle guztiak joan dira Ugaora, heriotza gabeko arrantza praktikatzera.

Arrantza eskolakoek antolatzen duten ekintza bat da. Ikasleei erreketan egiten den arrantzari buruzko zehaztapen batzuk  eman zieten: arrantza motak, arrain motak …  eta bukatzeko errekara joan ziren amuarrainak arrantzatzera. Bakoitzak bere kanaberarekin, heriotza gabeko arrantza egin zuen, harrapatutako guztia momentua askatu egin zen.

Argazkian ikusten denez, praktikatzeaz gain, harrapatu ere egin zuen baten batek! Hau amuarrain ederra!

2015-05-07.Ibaialde erakusketa Asti-Lekun

9 “roll up” itxurako GURE IBAIAK  erakusketa ibiltaria Asti-Lekun izan dugu.

Erakusketa ikusteko egin klik argazkian.

2015-05-11.Erakusketa. SantaClaran

Aurten EA21ek 10 urte betetzen ditu Portugaleten, hori dela eta, ikastetxe ezberdinetako ikasleek egindako lanekin erakusketa bat egin da Santa Clara kulturtegian.

Portugaleteko ikastetxe gehienek parte hartu dute proiektu honetan lan ezberdinak aurkeztuz.
Asti-Lekuko DBH 2.mailako Eskola Agenda 21eko ikasleek, udaletxeak amandako lorontzi batekin eskultura polit bat egin dute. Egindako lanan, ikastolaren identitatea eta aztarna ekologikoa adierazten dira.
Erakusketaren inaugurazioan, maiatzaren 11an, Portugaleteko alkatea egon zen.

2015-05.Barazkiak landatzen

LH3.mailako ikasleek barazki ezberdinak landatu dituzte.

2015-05-07.Kirol.Eguna

Aurten lehenengo aldiz Asti-Lekun kirol eguna ospatu da.
Haur hezkuntzatik batxilerrera, irakasleak barne, ikastola osoa kirolan murgildua egon da.

2015-05-08.Biodibertsitate.Proiektua.

Eskola Agenda 21en barruan, Bartzelonako Unibertsitateko, Bernat Claramunt irakaslea, DBH4.mailako biologiako ikasle batzuekin egon da, biodibertsitatearen inguruko proiektu bat garatzeko.

Proiekturako, www.inaturalist.org webgunea erabiliko da. Bertan, gure ikasleek egindako izaki bizidunen behaketak eta azalpenak agertuko dira.

Aurten, hasiera emango diogu lanari ikasle talde txiki batekin eta ondo funtzionatzen badu, datorren urtean 4.mailako biologiako ikasle guztiekin egingo dugu.