Ortulariak lan ta lan

Lurra beti bezain emankorra!

Oraingoan ere, neguko uzta oparoa izan da.

 Dena jaso, goxo-goxo disfrutatu eta udako sasoirako prestaketa lanak egin ditugu.

Oporretatik bueltan ia zelako altxorrak ematen dizkigun gure ortuak!

GAP lehiaketan parte hartzen

DBH 3-4 mailetako ikasleek GAP proiektuan parte hartu dute. 

Honen bultzatzailea Bizkaiko Foru Aldundia da, beste hainbat erakunderekin elkarlanea: 

Eroski, Bilboko metro, Eusko Jaurlaritza, Ur Patzuergoa...

Lan honetan ikastolaren elektrizitate kontsumoa neurtu dugu, 

sentsibilizazio eta motibazio ekintzak egin ditugu... 

Hona hemen DBH eta LHn egindako lan guztien laburpen bideoak:

             

DBHkoak LHkoei aurkezpena

Ikastolako jolastokian hondakinak banatzeko edukiontzi berriak jarri genituen. 

Lan hau hartu eta gero, hauen erabilera egokia bultzatu beharra ikusi genuen. 

Horretarako aurkezpen digitala prestatu eta berau LHko ikasleen aurrean aurkeztu genuen.

Aurkezpen digitala

Horretaz gain irakaskuntza koperatibo eta dinamikoagoa egiteko asmoz

 hainbat ekintza prestatu genituen: 

sailkatze fisikoa, sailkatze interaktiboa eta ureztatze automatikoa

          

DBH 1. Udal Foroa

Ikasturteari bukaera emateko egindako lana udaletxean aurkeztu eta 

ekolen arteko foroan adostutakoa alkate jaunari helarazi zioten. 

Honetarako aukeratutako eremua udalerriko erabakitze gunean izan zen, 

Portugaleteko Udaletxeko udalbatza-aretoan.

              

DBH 1. Eskola arteko foroa

Asti-Lekuko EA21en ikastolatik lan egiten dugu gure ikastola eta 

baita gure udalerria iraunkorrago izatearen alde.

Zentzu honetan EA21 taldea Portugaleteko gainerako eskolekin elkarlanean egon da.

Hainbat puntu adostu dituzte, besteen artean, udaletxeari egingo dizkioten eskaerak eta

ikasleek hartuko dituzten konpromisoak.

2017/04/25. Ingurumena zaindu, osasuna hobetu eta dirua aurreztu.

"AKTIBATU+" 

EKIMENEAN PARTE HARTZEKO AUKERA DAUKAZUE, ETXETIK BERTATIK!

Ikastolako EA21eko taldea ikasturte osoa dabil energiaren erabilera egokiagoa izan dadin lanean. Honetarako, Bizkaiko Foru Aldundiak bideratutako proiektuan parte hartzen ari gara, beste hainbat erakunde sustatzaileen babesarekin batera. 

Zuek ere, etxetik, ingurumena zaindu, osasuna hobetu eta dirua aurreztu ahal izateko tresna eskura jarri dizuegu. Denon elkarlanak etekin oparoagoak emango dituelakoan...

Hor doa, bada, gure gonbidapena:

Bertan klik egin eta parte hartu, irabazle izango zarete!

2017/03/09. LH 4. Gosari osasungarria

LHko 4. mailako ikasleek osasungarri gosaltzen ikasi dute. 

Ostegunean, hilak 9, laugarren mailako ikasleek gosaria nola osatu behar den osasungarria izan dadin ikasi dute ikastolan. Horretarako bi eratako  saioak izan dituzte Ausolan-Auzolagun-eko kolaboratzaileen eskutik, teorikoa, Hitzaldi Aretoan eta praktikoa, jantokian, bertan gosari osasungarria eta gozoa janez.

Ekimen hau Txanelako “Mugi gorputza eta izan ontsa” proietuaren ekintza da. Honen bitartez ikasleek ikasten dute nola eraman bizimodu osasuntsua elikadura egoki eta ariketa fisikoaren bitartez.

2017/01/29. “Mendi-jardunaldi ezin hobea”

“Mendi-jardunaldi ezin hobea” 

iruditu zaie gure mendigoizaleek Diputazioarekin izandako irteera.

Asti Leku Mendi taldekoak urtarrilaren 29an Sukarrietan (Urdaibai erreserba) dagoen 336 metroko Katillotxu mendira igo ziren eta, eguraldia lagun, goiz ederra igaro zutela esan digute. 

Bertatik, gainera itsasadarra, Laida hondartza, Izaro irla eta Ogoño lurmuturra ikusteko aukera paregabea izan zuten. Honegatik guztiagatik haientzat mendi-jardunaldi hau ezin hobea izan zen.

2017/03/03. “Elikadura osasuntsua familian”

Toscana Viar nutrizio-adituak

“Elikadura osasuntsua familian” 

hitzaldia eman du ikastolako Hitzaldi Aretoan.

Martxoaren 3an, ostirala, arratsaldeko bostetan, Asti Lekuko Hitzaldia Aretoan Toscana Viar nutrizionista eta farmazialariak Guraso Gune taldeak antolatutako “Elikadura osasuntsua familian” izeneko prestakuntza hitzaldia eman zuen. The Health Company-ko zuzendaria den eskarmentu handiko hizlari honek Athletic eta Bilbao Basket-ekin ere kolaboratzen du.

2017/03/08. Emakumearen eguna

Asti Leku ikastolak “Martxoaren 8” 

egunarekin bat egin zuen hainbat ekintza garatuz. 

                                                                               

Martxoaren 8an, Emakumeen nazioarteko egunarekin bat eginik, ikastolan hainbat ekintza burutu genituen. Esate baterako, emakume ezagunen lorpenak jasotzen zituzten DBHko ikasleek aurreko urteetan egindako karteltxoak erabiliz, LHko ikasleek geletan landu zuten “Martxoaren 8” egunaren mezua. Geletako hausnarketa bukatutakoan kartelak LHko eraikinean eskegi zituzten.  

  

2017-ko “Txirringaeskola”

LH 6.mailakoek “Txirringaeskola” proiektuak 

bideratutako bide heziketa saioa izan zuten.

Astelehenean seigarren mailako ikasleek “Txirringaeskolan” programatik bideratutako bide heziketa saioa izan zuten, jolasak, zirkuituak eta hitzaldiak baliabide. 

Ekintza hau Portugaleteko Udaltzaingoaren laguntzaz burutu zen Los Llanos-eko parkean prestatutako zirkuituan eta bertan dauden udal kirol- instalazioetan.

Asti Lekuk 2010. urtean hasi zen “Txirringaeskolan” programan parte hartzen, era ezberdinetako ekintzak garatuz, ikastolan bertan zein kanpoko espazioetan. 

            

2017/03/21. Zuhaitz eguna

Sopuertako Alen Kultur Elkarteak “Zuhaitz Eguna” ospatzeko arbolak landatzera animatzen gaitu:

“Sopuertako udalak baimendutako eremuetan, bertako zuhaitzak landatzen ikasleen parte-hartzea bultzatzeko asmoz, Bizkaiko Foru Aldundiko Mendi Zerbitzuak eratutako ekintza honetan parte hartzera gonbidatzen zaitugu. Hona hemen argibideak:

Ø  Zuhaitz Eguna martxoaren 26an, igandea, ospatuko dugu

Ø  Topagunea:  La Balugako bus geltokian, 10:00etan.

Ø  Ekintzaren iraupena, hamaiketakoa barne, hiru ordukoa izango da

Ø  Lan tresnak: jorraiak.

Ø  Jantzi eta oinetako egokiak.

Zuen zain egongo gara!!

2016/12/22. Hondakinen kudeaketa

DBHko ikasleek jolastokian sortzen dituzten hondakinen sailkatzea nola egiten den aztertu dute. 

Lan hau zakarrontzi berriak jarri aurretik egin zuten, oraingoetan erabilera egokiagoa egiteko asmoz. Horretarako sentsibilizazio bideo bat grabatu zuten eta materialak berrerabili eta berziklatzearen garrantzia nabarmentzeko gabonetako zuhaitz dotore bat egin zuten. Azken honen apainketan DBH osoko ikasleek parte hartu zuten.

Bere gabezia eta indargune guztiekin, hau izan da emaitza:

2017/02/03 Lorezaintza tailerra

Guraso Gune Txikikoek antolatutako tailerra izango dugu ikastolan.

Gogoratu otsailaren 3an, ostirala, LHko jantokian irudimenezko lorezaintza-tailerra izango dugula, 16:10etik 17:20ra bitartean. 
Oraingoan “buru berezia” daukaten pertsonaia dibertigarriak egingo ditugu.

Esku-lan honen zailtasun maila aintzat hartuta, 5 urtetik gorako umeentzat gomendatzen dela esaten digute antolatzaileek. 

2017 azaroa eta abendua

                                                Azaro eta abendua Zientziaz blai!

Gurasoen Gunean lanean jarraitzen  dute, ekintza interesgarri, dibertigarri eta hezigarriak egiten.               Azken tailerretan smendiak egiteaz gain eztandarazi zituzten eta elurra sorrarazi zuten.

                                                             Bejon daizuela!

                          Argazki hauetaz gain gehiago ikusi nahiko bazenituzkete egin klik hemen

Ikastola solidarioa

Zalantzarik barik Asti Leku Ikastola solidarioa da. 

Urte bukaeratan egin ohi den moduan, gutxiago daukatenei laguntzen zaie.

Asti Lekutik berdin!

Ikastola osoak parte hartu du ekinbide solidarioren batean:

Haur Hezkuntzako umeek Sahararen aldeko Euskal Karabana: Piztu Itxaropena izeneko ekintza solidarioan.

Lehen Hezkuntza eta Batxilerrekoak Janari bilketetako kanpainetan.

Derrigorrezko Bigarren Hezkuntzako ikasleak Sestaoko Artizar elkarteari emateko.

   Zorionak Ikastola eta bertako ikasleei, zuekin etorkizun hobea lor genezake. Eskerrik asko!

2017an zakorrontzi barriak

Ikastola kanpoaldeko zakarrontzi berriak, egokiago eta seguruagoak. 

Ikastolako kanpoaldeko paperontziak berritu ditugu. Agenda 21eko arduradun eta ikasleen aholkuak jarraituz aukeratu dugun eredua egokiagoa eta seguruagoa da. 

Argazkian ikus daitekeenez, ale berri hauek estalkia eta bazter alakatuak dauzkate, besteak beste.

Ea honek guztion erabilera hobetzen eta areagotzen ere laguntzen duen!