2016-03-17.BAtx1.Brigadistak

Batxiler 1. mailako ikasleek brigadista batzuen aurkezpena izan zuten hitzaldi aretoan. Bertan Brasil eta Palestinaren egoerak azaldu zituzten besteak beste.
Brigadisten artean gure irakaslea den Alba Garcia egon zen.

      

2015-02-24.Jardunaldi teknikoak

DBH2.mailako eta DBH1. mailako eskola agenda 21eko 6 ordezkari, Portugaleteko Santa Clara Kultur Zentruan egon dira jardunaldi tekniko batzuetan. Hitzaldia: "Gure ohiturek daukaten eragina Aztarna Ekologikoan".

  

2016.01.Haur Hezkuntzako Txoko Berdea

Haur Hezkuntzako eraikuntzan ere "Txoko Berdea" daukagu. 

Gure txikitxuak ere papera birziklatzeko txokoa edukitzeaz gain, informazio gune bat izango dute.

2016-02-18.DBH1. Udal diagnostikoa

DBH1. mialko ikasleak Udal diagnostikoa egitera atera dira Portugaleteko kaleetara.

2016-01-27.Otoio mendia

Joan den igandean Asti Leku Mendi Taldekoak Lekeition dagoen Otoio mendira joan zirenZe ondo pasatu zuten egiaztatzeko argazki eder batzuk eta irteeraren laburpena bidali dizkigute:"Portugaletetik 08.15ean irten eta Lekeitioren kanpoaldean hasi genuen igoera talaiarantz. Igoera aldapatsu hau bukatutakoan aukera izan genuen paisaiaz disfrutatzeko; izan ere, talaia hau gure kostaldeko begitokirik onenetarikoa da eta aintzina baleak ikusi eta baleontziei abisatzeko erabiltzen zuten bertokoek. Guk ez genuen balea arrastorik ere ikusi baina bai paisaia ederra, eguraldia lagun. Honen ondoren,  taldea berriro batutakoan,  tontorreraino igo ginen, bertan otartekoa jan eta indarrak berritu genituelarik. Pinudi eta ortuen arteko jaitsiera igoera baino leunagoa izan zen."

2016-01-22.LH5 Ortua

Gaur ere eguraldi ona aprobetzatuz ortura joan gara. Batxiler 2. mailako ikasleak arduradun, LH5. mailako gela oso bati erakutsi diete zelan ereiten diren idarrak eta babak.
Bestaldetik, aurretik landatuta zeuden azak eta eskarolak, zelan dauden ikusi zuten.
   
   
   

2016-01.SAHARAREN ALDEKO KARABANA

Haur Hezkuntzako ikasleek, janari bilketa batean parte hartu Sahararen aldeko Euskal Karabanarekin elkarlanean. 

Azken urteotan ohitura denez, oraingoan ere jarri dira martxan Haur Hezkuntzako ikasle, irakasle eta familiak Sahararen aldeko Euskal Karabanakoei janariak biltzen laguntzeko. Hurrengo otsailean aterako den karabana honen helburu nagusia herri sahararrari ahalik eta elikagai gehien eramatea da, Tindufeko (Aljeria) errefuxiatuen kanpamentuetan pairatzen ari diren janari eskasiari aurre egiten laguntzearren.

           

2016-01-20.GOSARI BIHOTZ OSASUNGARRIAK

Gosari bihotz osasungarriei buruzko prestakuntza-saioa jaso dute LHko 4. mailako ikasleek.

Urtero bezala, "Bihotz Bizi" elkartearen laguntzaz gosari bihotz osasungarriak izeneko prestakuntza-saioa ekarri dugu ikastolara, umeek uler dezaten zein garrantzitsua den ondo gosaltzea eta gaizki elikatzeak ekar ditzaken ondorioak.

Asteazkenean, urtarrilak 20, Lehen Hezkuntzako 4. mailako ikasle guztiek nutrizionista baten hitzalditxoa entzun ondoren "gosari bihotz osasungarria" hartu zuten: fruta, ogia, olioa, indioilar-hotz egosia, esnea, eztia eta kakaoa. 

             

2015-11-25Emakumeenganako indarkeriaren aurkako nazioarteko eguna2

Asteazkenean, azaroak 25, Asti Lekuko Hezkuntza Komunitate osoak bat egin zuen Emakumeenganako indarkeriaren aurkako nazioarteko egunarekin.
Indarkeria sexistaren kontrako erantzun sendoak eta konpromisoak ikastola osoan izan zuten isla. Etapa guztietako ikasleak murgildu ziren bete-betean aldarrikapen honetan era anitzeko ekimenak burutuz. 

               

2015-11Ortua

Aurten ere ortuarekin hasia gara.
EA21eko batxiler 2.mailako ikasleek ortua prestatu ostean, LH5.mailako ikasleei erakutsi zieten zelan landatzen eta ereiten den. Azaroa zenez aza landatu zen. Abenduan idarrak eta babak erein egin ziren ere.

2015-11-27,28Elikagaien Bankukoekin lanean

Azaroeren 27an eta 28an, Elikagaien bankuak elikagai-bilketa “erraldoia” egin du supermerkatu handietan. Hori dela eta, Batxilerreko ikasle boluntario, Barakaldo eta Portugaleteko supermerkatu batzuetan egon dira laguntzen. Oso ondo!

2015-11-29Arburu mendia

Igande honetan Arburu (550m) mendira joan gara.  Autobusak 9:30 inguru Gorozikan (Muxika) utzi gintuen. Martxa egun eguzkitxu batekin hasi ginen eta eguraldi onak lagundu zigun bide guztian. Altuera hartu ahala, mendiak dauzkan bistak disfrutatu genituen. Hegoalderantz Udalaitz, Anboto, Mugarra eta Gorbea, mendiak ikusi genituen, azken honek bere tontorrean elurra eta guzti zeukan.
Indarrak berreskuratu ostean, jeitziera beste bide batetik egin genuen, pinudi batetik. Autobusetara heldu eta 14:00ak inguru Portugaletera heldu ginen goiz mendizale polit bat disfrutatu ostean.

2015-11-25Emakumeenganako indarkeriaren aurkako nazioarteko eguna

Asteazkenean, azaroak 25, Asti Lekuko Hezkuntza Komunitate osoak bat egin zuen Emakumeenganako indarkeriaren aurkako nazioarteko egunarekin.
Indarkeria sexistaren kontrako erantzun sendoak eta konpromisoak ikastola osoan izan zuten isla. Etapa guztietako ikasleak murgildu ziren bete-betean aldarrikapen honetan era anitzeko ekimenak burutuz. 

2015-11 Perretxiko erakusketa

Urtero bezala Roberto Fernández irakasleak perretxiko erakusketa zoragarria antolatu du ikastolan. 

Roberto mikologian aditua da eta udazkenero ahalegintzen da perretxikoen mundu interesgarri hau ikasleei hurbiltzen. Aurten oso bilduma ederra ekarri digu Lehen Hezkuntzako atondoraino.

Argazkietan ikus dezakezuenez, denboraldi honetako perretxikoak tamaina handikoak izan dira.       

Eskerrik asko Roberto!

2015-11-23.HH4. Itsasminez

HH4. mailako ikasleek "Itsasminez" txotxongilo ikuskizunaz disfrutatu dute.

 

2015-11. Mugimendu sentsoreak

Asti-Lekuko eraikuntza guztietan mugimendu sentsoreak ipini dira. Horrela inor ez badago argia itzalita egongo da eta norbait agertzekotan automatikoki argia piztuko da.
Argiaren kontsumoa zeharo gutxikoa da.

 

2015-11Bost urteko ikasleek udazkeneko erakusketa bat antolatu dute

Haur Hezkuntzako bost urtekoek, udazkeneko unitate didaktikoa lantzen ari direnez, “Zatoz udazkeneko erakusketara” izeneko esposizio txiki bat egin dute gela baten barruan. Honen bitartez umeek udazkeneko fruituak zeintzuk diren eta zein zuhaitzetatik datozen ikasteko aukera izaten dute.

2015-10.Haur Hezkuntzako lau urteko ikasleak hostoak batzera irten dira.

Lau urteko ikasleak La Florida parkera irten dira gaur goizean hostoak batzera. Irteera Euskara kanpainaren saria izan da, eta jaso dituzten hostoekin zuhaitz bat egingo dute gelan.

2015-10.Lehen Hezkuntzako ikasleek denbora makina asmatu dute!

Lehen Hezkuntzako 1. mailako ikasleek “Denbora Makina” ederrak egin dituzte Txanelaren proiektutik abiatuta. Makina liluragarri hauek fabrikatzeko birziklatutako materialak erabili dituzte. Emaitzak LHko 1. pisuan konprobatu ahal dituzue. Hurbildu zaitezte makinetara eta irudimena askatu. Batek daki! Eta funtzionatuko balute?

2015-2016 EGITARAUA