EL POBALERAKO BISITA - LH4

EL POBAL BURDINOLA

 Urriaren 5ean LHko4. mailako 2 gela El Pobalera joan ziren.

 

Muskiz udalerrian El Pobaleko Burdinola dago: lantegi hidrauliko bat, burdin harria landu, eta mota guztietako lanabesak eta tresnak egiten zituena. Muñatones Gaztelutik eskualdea mendean zuen leinuak eraiki zuen burdinola XVI. mende hasieran, Salazar leinuak, alegia, eta 1965era arte iraun zuen lanean.

El Pobaleko burdinola

    Osperik handiena XVII. mende amaieran izan zuen, tailerra     handitzearekin batera, azpiegitura hidraulikoa berreraiki         zuten garaian. Hala ere, gaur egun ikusgai ditugun hainbat     eraikuntza eta makineria XIX. mende amaierakoak dira.         Garai hartan, azken olagizonak eginahalean ari ziren,             teknologikoki aurreratuago zegoen aro berri batean             lehiakorrak izaten jarraitzeko.

Burdinolaren inguruan, produkzio-gune oso bat zegoen antolatuta: olagizonen etxebizitza, irin-errota, ogi-labeak, baratzak eta mendiak, egurrez zein ikatzez hornitzeko.

2004. urtean ateak zabaldu zituenetik, museo bizia da El Pobal; izan ere, Bizkaiko industriaurreko jarduerarik inportanteenetako bi erakusten dira bertan: burdingintza eta errotaritza. Ingurune eder hau bisitatzera Barbadun ibaiaren ertzetara hurbiltzen diren guztiek bi makina hidraulikoak abian ikusteko aukeraz gozatu ahal izango dute.

LH5 BESTE BI TALDE ARTIGASERA!!

ARTIGAS  

Urriaren 5ean, LH5. mailako beste bi gela Artigasera joan ziren.

                    

Sortzen ditugun hondakinak zein ontzira joan behar direneko zalantzak izatekotan, gure LH5. mailakoie galdetuko diegu!!!

LH 5. MAILAKO IKASLEAK BARATZEN

                                 

                                    BARATZE

    Pasa den astean, LHko 5. mailako ikasleak Baratzen egon ziren. Bertan 3 egun eman zituzten naturaz inguratuta, irailaren 20tik 22ra. Hainbat ekintzak egiteko aukera izan zuten, zaldietan igo, behiak, txarriak eta oiloak elikatu, uzta bildu, ortua eta lorategia zaindu, ... Eta pilo bat disfrutatu egin zuten!!

     

   

    

     

                    

     

GAUR LH 4 ARTIGASERA!!

                                                         

        Gaur, LH 4. mailako 2 gela Artigasera joan dira bizkaian zaborra nola kudeatzen den ikustera. bertan azalduko diete zein garrantzitsua den sortzen ditugun hondakinak era egokian etxean banatzea eta dagokien birziklatze-ontzietara botatzea.

NOLA KUDEATZEN DIRA HONDAKINAK BIZKAIAN

Bizkaiko hondakinen kudeaketa Europako Erkidegoko zuzentarauek zehaztutako arauen arabera bilakatu da, bai eta Bizkaiko Foru Aldundiaren Gida Planetatik ondorioztatutako jarraibideen arabera ere; horrela definitu da egungo kudeaketa-eredua.

Funtsezko helburua da hiri-hondakinen kudeaketak herritarrei kalitatezko zerbitzua eskaintzea, aldi berean, ingurumena ahal beste babestuz.

       NON UTZI BEHAR DUGU HONDAKIN BAKOITZA? 

Informazio gehiago nahi izatekotan, ESTEKA honetan sartu!!

  

                        

ASTEKLIMA

IRAILAK 22 - URRIAK 1

10 egun hauetan, klima aldaketari aurre egiteko hainbat ekintza proposatze dizkigute Asteklima antolatzen dutenek. 

Baina, zer da ASTEKLIMA?

2023ko irailaren 22tik urriaren 1era bitartean, Euskadik ASTEKLIMAren laugarren edizioa biziko du, Klimaren eta Energiaren Astea, Eusko Jaurlaritzako Ekonomiaren Garapen, Iraunkortasun eta Ingurumen Sailak, EEE eta Ihobe erakunde publikoen bitartez, bultzatutako ekimena, herritarrak beharrezko trantsizio energetikoaren eta klimatikoaren aurrean kontzientziatzea eta mobilizatzea helburu duena. Egun hauetarako, 250 ekintza baino gehiago daude prestatuta. 

Animatu zaitez eta bat egin klima erronkarekin!!

Informazio gehiagorako: ASTEKLIMA

PAPERAREN ERABILERA MURRIZTU!!

PAPER GUTXIAGO ETA ZUHAITZ GEHIAGO

Orain dela hilabete bat ikastolan jarri genuen martxan ikastolan paperaren erabilera murrizteko proiektu bat. Erabilera %5a murrizten dugun bakoitzeko zuhaitz bat landatuko dugu.

Guztion artean helburua lortuko dugu!!

AGENDA 20/30 MULTIDISZIPLINARRA

                                                BERDINTASUNA KARRAJUETAN

Hurrengo asteotan gure Agenda 20/30 artistek egindako irudiak DBHko eraikinaren karrajuetan jarriko ditugu. Irudi hauekin emakumezko zein gizonezkoen arteko desberdintasunak murriztu nahi ditugu. Hauxe da Agenda 20/30etik egin nahi dugun ekarpena gaur egun gizartean daukagun arazorik larrienetariko batean. 

Guztion artean lortu dezakegu!!

HH3 ORTUAN

                                                       ORTUKO PRODUKTU FRESKUEK!!

Aste hauetan Haur Hezkuntzako 3. mailako ikasleak ortutik pasatu dira, haien irakasleekin batera, aurtengo uztaren bila joateko. Beratara ailegatzean bakarrik ez zirela konturatu egin dira... Aurten txorimaloak ere "landatu" ditugu, eta eskerrak!! Gure inguruko fauna hegalaria asko handitu baita!! Txolarreak, buztanikarak, zozoak, mikak, txantxangorriak, buztangorriak, arranoak, ... denetarik ikusten ari gara, pribilegiatuak gara.

Mila esker gure irakasleei lurzoruak duen garrantzia azaltzeagatik!!

ARGAZKI LEHIAKETA

                                               AURTEN ERE GURE ARGAZKI LEHIAKETA!!

Nahiz eta ikasturte berezia eta zaila izan, Agenda 20/30ekoek, argazki lehiaketa antolatu egin dugu!! Eta, gure ikasleei esker, aurrera eraman ahal izan dugu!! Aurretiaz, mila esker parte hartu duzunoi!

Aurtengo gaia, "Ura" zen, edozein moduan, edozein eremutan, edozein egoeran, ura... Ea likido garden honen garrantziaz konturatzen garen, hau gabe bizitza ezinezkoa baita!!

Hauek dira gure artisten lanak:

Saridun bereziak:

1. postua: 8. argazkia

2. postua: 1. argazkia

3. postua: 6. argazkia

IBILBIDEAK

                                                             IBILBIDEAK EGINDA!!

Aste Santua eta gero hasi ginen Portugaleteko udalak eta Ortzaddarrek antolatutako ibilbideak egiten.

Ibilbide hauetan, kaleko jendeari inkesta txiki bat egiteaz aparte, herritik pasatzen diren ibilgailu kopurua zenbatu genuen, beranduago hauek askatzen duten karbono dioxido kantitatea neurtzeko. Emaitzak ez ziren oso itxaropentsu izan.

Arlo honetan, guztiok hobetu behar dugu. Horretarako proposamen batzuk helarazten dizkizuegu:

1. Plastikoaren kontsumoa murriztu. Erosketak egiten ditugunean, ohialezko poltsak eraman eta plastikozkoak baldin baditugu, behin eta berriz erabili.

2. Uraren kontsumoa murriztu: Telebistan asko hitz egiten dute petrolioari buruz baina, urari buruz? Petroliorik gabe bizi genezake baina, urarik gabe?... hortzak garbitzean, iturria itxi; dutxa hartu bainua baino; platerrak garbigailuaz garbituz gero, "ECO" programa erabili; ...

3. Elektrizitatearen kontsumoa murriztu: Nola lortu dezakegu hau? Ahal denean, argi naturala probetxatu; gelatik ateratzen garenean, argia amatatu; etxetresna elektriko berriak erosteko bazaudete, A+++ direnak erosi; "piloto gorriak" elektrizitatea kontsumitzen du!! Gailu elektrikoak eta erregletak desentxufatu!!; ...

Esandako guztiak ingurugiroaren egoera hobetzeko lagungarriak izateaz aparte, dirua aurrezteko ere aukera ederra da!! 

KLIMA ALDAKETA

 Eta zuk, nolako mundua nahi duzu?

Egun hauetan Agenda 21-eko ordezkarieak mural bat egiten egon dira DBH eta Batxillergoko ikasleak gure Lur Planetako egoeraz kontzientziatu nahian. 

Telebista edo irratia pizterako orduan berri txarrak baino ez zaizkigu heltzen, hain zuzen ere, munduan zehar probokatutako hainbat sute, hainbat uholde, petroliontzien istripuak, egun berean eguraldiak jasandako aldaketak, ...  Egoera hau jasantezina da eta konponbidea bilatu behar diogu!! Argi geratu zaigu, guk ez badugu egiten, inork ez du egingo!! 

Bada, ekin diezaiogun lanari!!

MOZORRO JASANGARRIAK DBH-n

                                          INAUTERIETAKO MOZORRO JASANGARRIAK

Inoiz konturatuko gara mozorro zari bat lortzeko ez dugula dirurik gastatu behar?  DBH-ko ikasle batzuek oso ondo badakite hau horrelakoa dela eta erabilera bakarreko materialarekin mozorro                              jasangarriak egiteaz aparte, "Mozorro jasangarriena" saria ere irabazi dute!!! 

                                                               Zorionak txapeldunak!!

 

ELIKAGAI-BANKUA IKASTOLAN

Asti Leku ikastola Elikagai-bankuko biltegia egun batez

Gaur, gure LH eta Batxillergoko ikasleek Elikagai-bankurako elikagaiak ekarri dituzte. Ekarritako guztia antolatzeko DBHko 4. mailako ikasle bolondresak izan ditugu.

Mila esker guztioi!!

GABONAK HELTZEAR DAUDELA NABARITZEN DA!!

"Din, dan, don! Din, dan, don! Eguberri on!"

Gabonak hortxe bertan daude!! Eta ongi etorria emateko erarik onena, birziklatutako apaingarriak dituen zuhaitza jartzea dela iruditzen zaigu!! Hona hemen gure LH-ko ikasleek egindako lana. Primeran egin duzue artistak!!

TXONTXONGILOAK ASTI LEKUN!!

TXONTXONGILOAK, GAUR, ASTI LEKUN

Gaur, Itsasminez txontxongiloak ikastolan izan ditugu. Gure umeek asko disfrutatu dute, baina horretaz aparte, Argi neskatoaren eskutik, itsasoari buruzko hainbat gauza ikasi dituzte. Adibidez, karakola bat belarrira hurbilduz zer entzuten den... Baina,  baita hain politak ez diren gauzak ere, itsasoa gure erruz gaixorik dagoela... 

Espero dugu gure umeen bihotzean mezu hau geratu izana eta ingurugiroarekiko kontzientzia eta errespetua betiko irautea.